Um félagið

BDSM á Íslandi var stofnað 31. desember 1997.   Félagið heldur mánaðarlega fræðslufundi og eru þeir haldnir annan fimmtudag hvers mánaðar kl. 20:00. Allir sem styðja aðalreglur og umgengisreglur félagsins eru velkomnir á fundina.   Félagið heldur einnig óreglulega partí á um tveggja mánaða fresti. Félagið er einnig með þennan vef sem fjallar um BDSM, sadómasókisma og munalosta í sínum víðustu skilgreiningum.

Við mælumst til að allir lesi þessa síðu áður en lengra er haldið á vef félagsins.

Hér notum við BDSM (Bindi-, Drottnunar-, SadóMasókistaleikir og Munalosti) sem samheiti yfir all þá möguleika sem geta falist í sadómasókisma, munalosta, leðurlífsstíl, valda- og skynjunarbreytingarleikjum. BDSM er upprunalega ensk skammstöfun (Bondage - Discipline / Dominance - Submission / Sadism - Masochism) en hefur nú verið notuð í flestum málum. 

Það eina sem áhugafólk um BDSM hefur sameiginlegt er áhugi á einhverjum valdaleik - hver og einn aðili velur það sem eykur losta hans og þarf ekki að hafa áhuga á nema smá hluta af því sem fellur undir BDSM.  Einnig eru margir sem stunda valdaleiki, bindileiki eða klæðnaðarleiki án þess að gera sér nokkurn tíma grein fyrir því eða vilja viðurkenna áhuga sinn á BDSM þar sem þeir eru haldnir þeim grundvallar misskilningi að þar með verði þeir að hafa áhuga á öllum þeim sérsviðum sem falla undir BDSM. 

BDSM á Íslandi býður þig velkomna/velkominn á vefinn. BDSM á Íslandi er stuðnings- og fræðslufélag fólks sem hefur áhuga á BDSM og sadómasókisma í sinni víðustu skilgreiningu, kynferðislegum munalosta og annars óhefðbundins kynlífs. BDSM á Íslandi hefur efni á þessum vef sem fjallar um kynlíf, kynlífsfræðslu, erótík og kynferðismál. Með því að halda áfram á þessum vef lýsir þú því yfir að þú hefur áhuga á að kynna þér efni sem fjallar um kynlíf. Við bætum efni við þennan vef annað kastið og því ættir þú endilega að kíkja við oft til að fylgjast með framganginum. Þú getur einnig bæst í hópinn með því að senda póst til bdsm@bdsm.is eða í Pósthólf 5068, 125 Reykjavík, en félagið bíður áhugafólk um samábyrga BDSM leiki velkomið óháð kyni eða kynhneigð þess.

Tilgangur BDSM á Íslandi

Stuðningur

  • BDSM á Íslandi styður einstaklinga og pör í vali sínu á kynlífsstíl.
  • Öruggt, meðvitað og samþykkt BDSM felur enga áhættu í sér.  Einnig viljum við sýna fólki sem hefur áhuga á öruggu, meðvituðu og samþykktu BDSM að það er ekki eitt um þessar langanir sínar og þarf ekki að skammast sín fyrir þær hugsanir.

Kennsla

  • BDSM á Íslandi kennir tækni og öryggisráðstafanir (líkamlegar og andlegar) við BDSM og almennar umgengisreglur eins og þær tengjast BDSM. Einnig viljum við hjálpa einstaklingum sem hafa áhuga á öruggu, meðvituðu og samþykktu BDSM að tala um þær langanir sínar við elskuhuga sína. Við gerum okkur grein fyrir því að sumir hafa mjög bældar kynlífshugsanir og hvað þá hugsanir sem eru nýjar eða óþekktar fyrir því.
  • Einnig styðjum við almenna kynfræðslu.
  • BDSM á Íslandi vill fræða lesendur um íslensk lög, og evrópsk lög, að því leiti sem þau eiga við öruggt, meðvitað og samþykkt BDSM. Hér með er óskað eftir lögfræðingi sem er til í að kynna sér lögin út frá þessu sjónarhorni.

Þjóðfélagsfræðsla

  • BDSM og sadómasókismalanganir hafa verið mikið misskildar í fjölmiðlaumræðu og af ýmsum sérfræðingum í gegnum tíðina. BDSM á Íslandi vill leiðrétta ímynd sadómasókisma í augum almennings og gera grein fyrir því að sadómasókismi er ekki kvöl og pína (eða blóð, sviti og tár).  BDSM á Íslandi vill fræða fólk um mismuninn á ofbeldi og öruggum, meðvituðum og samþykktum sadómasó-leik.
  • Einnig vonumst við til að geta boðið lesendum upp á lista af sérfræðingum á hinum ýmsu sviðum sem geta tengst BDSM. Viðkomandi sérfræðingar þurfa ekki að hafa áhuga á BDSM sjálfir en þurfa að sýna grundvallarskilning á BDSM og á mismuninum á annarsvegar öruggu, meðvituðu og samþykktu BDSM og hinsvegar ofbeldi. Hér með auglýsum við eftir sérfræðingum sem sýna þennan skilning og eru tilbúnir að taka að sér að þjónusta einstaklinga með áhuga á BDSM. Helstu sérfræðingahóparnir sem við erum að leita eftir eru: læknar (heimilislæknar og sérfræðingar), sjúkraþjálfarar, hjúkrunarfólk, sálfræðingar og hjónaráðgjafar.

Félagakynning

  • BDSM á Íslandi heldur mánaðarlega fræðslufundi og er með partí á um tveggja mánaða fresti, auk þessa vefs.  Hluti af þessum vef verður byggður upp á samskiptum lesenda og framlagi þeirra og einnig bjóðum við áhugafólki um öruggt, meðvitað og samþykkt BDSM upp á einkamálaauglýsingar.

Nafnleynd og ólöglegt athæfi

BDSM á Íslandi fordæmir engan sem lifir eftir grunnreglunum BDSM á Íslandi og við styðjum kynlíf í hvaða formi sem er svo framarlega sem það skaðar engan og báðir (og/eða allir) aðilar í leiknum séu öllu samþykkir sem fram fer.

Undir engum kringumstæðum getur BDSM á Íslandi samþykkt eða liðið á einn eða annan máta:
1. Barnaklám eða kynlíf sem tengist börnum undir sjálfræðisaldri
2. Dýraklám eða kynlíf sem tengist dýrum
3. Nauðganir
4. Heimilisofbeldi
Börn og dýr geta ekki gefið samþykki þar sem þau skilja ekki samhengið og/eða geta ekki sagt “Nei“. Í tilfellum nauðgana og heimilisofbeldis hafa allar grunnreglur BDSM á Íslandi um BDSM verið brotnar. Við munum óska eftir að yfirvöld kynni sér málið ef þú kemur með eitthvað sem þessu tengist inn á þennan vef.

Félagið mun gera allt sem það getur til að varðveita nafnleynd (að undanskilinni athugasemdinni um ólöglegt athæfi). Til að styðja að fólk geti tekið þátt í vef félagsins án þess að gefa upp nafn mælum við með að þú fáir þér aukanetfang, t.d. hjá Gmail eða Hotmail.

Tengingar og Auglýsingar

BDSM á Íslandi styður almenna kynlífsfræðslu og við bjóðum ykkur öllum að setja tengingu til þessarar síðu frá vefnum ykkar. Við sýnum hins vegar einungis tengingar til annarra íslenskra vefa sem fjalla um kynlífsmál á jákvæðan hátt eða félagshópa sem berjast fyrir jafnrétti og / eða frjálsræði í kynlífsmálum. Ef þú veist um slíka vefi sem við höfum ekki tengingu við þá sendu endilega línu til bdsm@bdsm.is.

Ef þú hefur áhuga á að setja þjónustu- eða vöruauglýsingu á þennan vef getur þú haft samband við bdsm@bdsm.is. Við erum að leita eftir auglýsendum sem hafa eitthvað upp á að bjóða áhugafólki um öruggt, meðvitað og samþykkt BDSM og þá helst þeim sem bjóða upp á kynlífshjálpartæki, svo sem svipur, fjötra og munalosta vörur, eða iðnaðarmönnum sem geta innréttað dýflissu eða ástarhreiður og sýna grundvallarskilning á öruggu, meðvituðu og samþykktu BDSM og heita nafnleynd um viðskiptavini sína.